Олохтоох бэйэ аһын-үөлүн дэлэтиигэ Сунтаар улууһун урбаанньыттара күүскэ үлэлиир санаалаахтар. «Билиҥҥи балаһыанньаҕа маннык дьаһанан олордохпутуна эрэ сатанар» диэн этэллэр.
Бүлүүчээн нэһилиэгин олохтооҕо Андрей Максимов оҕуруот аһын олордон урбаанньыттыыр. Кини моркуоп, хортуоппуй, сүбүөкүлэ олордон тэрилтэлэри хааччыйарын таһынан нэһилиэнньэҕэ эмиэ атыылыыр. Былырыын алта га сиргэ олордубут буоллаҕына, быйыл уон гаҕа диэри кэҥэттэр санаалаах.
Билиҥҥи туругунан эрдэ төлөбүрүн биэрбит тэрилтэлэр сакаастара хараллан уурулла сыталлар.
Оҕуруот аһынан эрэ муҥурдаммакка кус, хаас, индюк курдук көтөрдөр араастарын иитэр. Быйылгы сылтан индюгу инкубатордаан таһааран нэһилиэнньэҕэ атыылыырга былааннанар.
Көтөр ферматын тэринэр элбэх үбү эрэйэр диир. Бу сыалын ситиһээри билигин «Туймаада» ФАПК-аны кытта кэпсэтии бара турарын урбаанньыт этэр.
Валентина Архипова
«Сунтаар сонуннара» хаһыат сайтыттан: https://xn--80aaaa5dcaagtfcekni.xn--p1ai/article/50561