Тыа хаһаайыстыбатын боппуруоһугар улуустааҕы управление салайааччыта Михаил Хаптагаев иһитиннэрбитинэн ынах, сылгы сүөһүлэр кыстыгы этэҥҥэ туоруур балаһыанньалара улууска тэриллибит. Мөлтөх туруктаах Алдан, Уолба нэһилиэктэригэр оту хаһаайыстыбаларынан бырахсан күөххэ этэҥҥэ үктэнэллэригэр эрэл баар буолбут. Суолбут Орто Амманан уу алдьатан Таатта СПК –ҕа үүт кэлэрэ харгыстаммыта суол оҥоһуллан, быһаарыллар суолга киирбит.

Агростартап, семейнэй грааннарга сайаапкалары көрүү сарсын , ол эбэтэр ыам ыйын 12 күнүгэр, тыа хаһаайыстыбатын министиэристибэтигэр буолара былааннаммыт. Михаил Хаптагаев сайаапкаласпыт дьону, нэһилиэктэр баһылыктарын куйаар ситиминэн киирэн холбонон, истэллэрин, кыттыыны ылаллара наадалааҕын бэлиэтээтэ. Практика көрдөрөрүнэн үгүс боппуруос муниципальнай баһылыктарга сыһыаннаах ыйытыылар, ирдэбиллэр этиллэллэринэн, кинилэр боломуочуйаларын сүнньүнэн уоту тардыы, күрүө – хаһаа боппуруостара быһаарыллаллар, ирдэбилгэ тураллар, онон баһылыктар кыттар олохтоохторун кытта бииргэ видеоконференциянан барар мунньахха булгуччу кытталлара наадатын тоһоҕолоон тиэртэ.

Кормовой бурдугу ыһыы боппуруоһугар ыйытыы киирбитигэр Михаил Хаптагаев хаһаайыстыбалар кыахтара тиийбэтинэн Орто Амма уонна Уус Амма эрэ нэһилиэктэригэр кормовой ыһыынан дьарыктаналларын тиэртэ.

Улуус баһылыга Михаил Соров

дьиэ кэргэнинэн грант ылыытыгар кыттар ыаллар бары кыахтаах, үлэлиир үөрүйэхтээх, төрүккүттэн эппиэтинэстээхтик тыа хаһаайыстыбатынан дьарыктанар ыаллар, онон кинилэри бары өттүнэн өйүөхпүтүн наада диэн өссө биирдэ ытаһалаан биэрдэ.

Анна Посельская

«Таатта» хаһыат «Улус Медия» сайтыгар: https://xn--80aaa3eca.xn--p1ai/article/55680

от adminNB

Добавить комментарий

Ваш адрес email не будет опубликован.