Сэтинньи 30 күнүгэр Евдокия Степановна Гаврильева — Сибэкки Дуунньа кыһыннары-сайыннары үлэлиир теплицатын үөрүүлээх арыллыыта буолла.
Үөрүүлээх тэрээһиҥҥэ улуус баһылыга Юрий Слепцов, улуус баһылыгын тыа хаһаайыстыбатын боппуруостарыгар солбуйааччы Филипп Николаев, тыа хаһаайыстыбатын управлениетын салайааччы Владимир Макаров, «Ленскэй нэһилиэк» МТ баһылыга Петр Сокольников, АККОР Саха сирин бааһынай хаһаайыстыбаларын уонна кэпэрэтииптэрин ассоциациятын сэбиэтин бэрэстэбиитэлэ Зарема Бочкарева уо.д.а. кыттыыны ыллылар, эҕэрдэлээтилэр уонна махтал суруктары, сэмэй бэлэхтэри туттардылар.


Евдокия Степановна дьиэ кэргэнэ, аймахтара теплица тутуутугар күүс-көмө буолбут, сүбэ-ама биэрбит дьоҥҥо барҕа махталларын эттилэр.
Санатар буоллахха, былырыын, атырдьах ыйын 30 күнүгэр, Евдокия Степановна бэйэ дьыалатын сайыннарыыга бырайыагын көмүскээн, куонкуруһу ааһан грант ылар чиэскэ тиксибитэ. Онон, бырайыак быһыытынан улуус нэһилиэнньэтин сылы быһа сибиэһэй оҕурсунан хааччыйыаҕа.

«Агростартап» грана «Дьоҕус уонна орто урбаан көҕүлээһинин сайыннарыы» национальнай бырайыак чэрчитинэн 2019 сылтан үлэлиир.

«Нам улууһа» МТ пресс-сулууспата

ТХМ сайтыттан: https://minsel.sakha.gov.ru/news/front/view/id/3337260

от adminNB

Добавить комментарий

Ваш адрес email не будет опубликован. Обязательные поля помечены *