Чурапчыга дьон-сэргэ үүннэрэр оҕуруотугар араас дьикти-кэрэ көстүүлэр буола тураллар, Хатылы нэһилиэгин Лаҕалдьы учаастагын олохтооҕо Анна Константиновна Скрябина, бэйэтин уһаайбатыгар уонча подсолнуҕу олордубутуттан түөрдэ 4-түү миэтэрэ кэриҥэ үрдүктээх буола үүннүлэр.
“Дьон сиэринэн кыралаан үүнээйини олордобун. Эрдэ икки-үс сыллааҕыта кыһыл подсолнуҕум эмиэ үрдүк буола улаата сылдьыбыттааҕа, оттон быйыл түөрдүм уһаан таҕыстылар. Үрдүктэрэ 4-түү миэтэрэттэн тахса, уктара 5см кэриҥэ суоннар. Буордарын эбэн биэрбитим, баҕар уута элбэх кутуллубута буолуо. Уолбунаан иккиэйэҕин олоробут, ураты уонна атын үүнээйим суох”, — диэн 71 саастаах Анна Константиновна күлэ-үөрэ кэпсиир.
Сэмэн Жендринскэй
«Саҥа олох» хаһыат сайтыттан: https://xn--80aa7aggbp2b.xn--p1ai/article/70364