Арҕаа дойдулар санкцияларынан, хааччахтарынан сибээстээн сотору омук сиригэр оҥоһуллубут бородууксуйа маҕаһыыннарга сүтэрэ буолуо диэн билигин сабаҕалыыллар. Онон ол кэлии аһы-үөлү бэйэбит хаачыстыбалаах бородууксуйабытынан солбуйарга дойду үрдүнэн улахан сорук турда.

Дьокуускай куорат, улууспут олохтоохторун оҕуруот аһынан хааччыйар, номнуо бренд буолбут «Фермер Латышев» хаһаайыстыба салайааччыта Сергей Латышев санаатын үллэһиннэ:

— Хортуоппуйбут саппааһа кулун тутар ыйынан бүтэр. Оҕуруот аһа, номнуо, ааспыт сылга бүппүтэ. Бу олохтоохтор бэйэ аһын-үөлүн ордороллорун, наадыйалларын туоһулуур. Сиэмэ хортуоппуй боппуруоһа быйыл ыарахаттардаах буолла, онон саас олордор хортуоппуйбут иэнин улаатыннарар уустук. Бастатан туран, онуоха уу куттарар аппарааттары ылыахха наада. Бэйэбит оннук тэрил эҥин ылынар кыахпыт суох. Арай, аһаҕас груҥҥа үүнэр оҕуруот аһын эрэ кээмэйин улаатыннарыахха сөп.

Билигин Владимир Путин, дойдубут Бырабыыталыстыбата тыа хаһаайыстыбатынан дьарыктанааччыларга ыарахан бириэмэнэн көмө миэрэлэрин ылынар буоллуллар – ону эрэнэ күүтэбит.

❗️Достоверно и наглядно о том, что важно сейчас, на сайте объясняем.рф

Ольга Гермогенова

С сайта газеты «Хангалас»: https://xn--80aaaaaqpp6as1cq2a.xn--p1ai/article/45716

от adminNB

Добавить комментарий

Ваш адрес email не будет опубликован. Обязательные поля помечены *