Нөмүгүгэ оҕуруот аһын, сибэкки араас арассаадатын атыыта тэрилиннэ.

Олохтоохтор кэлэн ордук арассаадаларын атыылаан, атастаһан, кэпсэтэн, сүбэ ылан бардылар. ЯНИИСХ сотруднига Александр Наумов быйыл сирень, акация бэйэтэ сиэмэтинэн олорпутун, оҕуруот аһын, сибэккилэр арассаадаларын атыылаата. Астра сибэкки кэлин дэлби «ыалдьар», аанньа үүммэт биричиинэтин ыйда. Кини астра сиэмэтин, буорун фитоспоринынан обработкалааҥ диэн оҕуруоччуттарга сүбэлээтэ, оччоҕуна үчүгэй, доруобай арассаада үүнэн сибэккилиэ диэн быһаарда.

Лена Васильева сөбүлээн үүннэрэр «Новоспасская», «Берсеневская» дьэдьэннэрин арассаадатын атыылаата, аһаҕас микрофоҥҥа дьэдьэни үүннэриигэ методическай сүбэлэрин биэрдэ.

Олохтоох бибилэтиэкэрбит Евдокия Артемьева викторина ыытта, кыайыылааҕынан Федотова Кэрэчээнэ уол оҕотунаан буоллулар, бары боппуруоһу билэллэрэ сөхтөрдө. Кинилэргэ өр сыллаах котовник сибэкки, кохия арассаадата бириис туттарылынна.

Быйыл олохтоох дьаһалта, «Түһүлгэ» КК нэһилиэнньэҕэ «Экология начинается со двора» диэн көрүү-куонкурсу ыытыахтара. Балаһыанньата оҥоһулла сылдьар. Нэһилиэк олохтоохторо көхтөөхтүк кыттыахтара диэн эрэнэбин.

Сылын аайы дьаарбаҥкаҕа Прохорова Татьяна, Непряхина Александра, Агафия Пермякова, Александр Наумов, Анна Захарова, Лена Васильева уо.д.а актыыбынайдык кытталлар. Кыттыбыт дьоҥҥо барыларыгар дьаарбаҥканы тэрийбит «Ньургуһун» түмсүү аатыттан кыра сэмэй үүнээйи бириистэр туттарыллыннылар.

Августа Гаврильева

«Ханалас» хаһыат сайтыгар: https://xn--80aaaaaqpp6as1cq2a.xn--p1ai/article/59945

от adminNB

Добавить комментарий

Ваш адрес email не будет опубликован. Обязательные поля помечены *