Мантан сайын халлааммыт хайдах буолуой? Сорох сиргэ күн аайы кэлэн саккырыыр ардах дьону хал оҥордо эрээри, өҥ сайын кэлбитэ хонон турдах ахсын илэ-чахчы көстөр-биллэр буолла. Дьылдьыт, өрөспүүбүлүкэ үтүөлээх зоотехнига Андрей Варламов дойдутугар, Чурапчы Муҥудайыгар, тахсан сайылаан олорор. Кини этэринэн, төһө даҕаны айылҕаҕа орооһон, “оҥоһуу ардахтар” түстэллэр үүнээйи тэбэригэр туһалаан эрэллэр.

Мантан сайын халлааммыт хайдах буолуой? Сорох сиргэ күн аайы кэлэн саккырыыр ардах дьону хал оҥордо эрээри, өҥ сайын кэлбитэ хонон турдах ахсын илэ-чахчы көстөр-биллэр буолла. Дьылдьыт, өрөспүүбүлүкэ үтүөлээх зоотехнига Андрей Варламов дойдутугар, Чурапчы Муҥудайыгар, тахсан сайылаан олорор. Кини этэринэн, төһө даҕаны айылҕаҕа орооһон, “оҥоһуу ардахтар” түстэллэр үүнээйи тэбэригэр туһалаан эрэллэр.

– Бэҕэһээ кэргэним дойдутугар, Уус Алдаҥҥа Курбуһахха, үбүлүөйдээх ыһыахха сылдьан кэллибит, – диэн кэпсиир Андрей Алексеевич. – Ыһыах түһүлгэтигэр олордохпутуна, сөмөлүөт кэлэн эргийэн ааста. Онтон чаас буолаат, ардах курулаччы кутан, бырааһынньыкпыт ыһылла сыста. Уус Алданынан, Тааттанан икки сөмөлүөт үлэлии сылдьар дииллэр. Мин билгэбинэн, бэс ыйыгар илин байҕалтан кэлэр сис былыттар суохтара, оннооҕор Бөтүрүөпкэ ыраас этэ, от ыйын 20-тин кэнниттэн улахан ардахтар бааллара. Эрдэ эппитим курдук, булкаан эстиилээх сылга халлаан булкуллуон, быыстала суох ардыан уонна күүстээх тыаллар түһүөхтэрин сөп. Бу ардахтар сөмөлүөт быстах былыттары ытыалыырын түмүгэр угуттаан ааһаллар. Төһө даҕаны оҥоһуутун иһин, биһиэхэ саас түспүт самыыр от быгарыгар туһалаата.

Кураайы сирдээх-уоттаах Чурапчыга алаастар көҕөрбүттэр. Өтөх сиргэ кытта от харыс уһаабыт, уулаах сиргэ иккилии харыс буолбут. Ити гынан баран, аһыҥка адьарай ыамата элбэх эбит. “Кыра буоллаҕына, оту тииһэ хотутааччыта суох. Онон быйыл окко куттала суох”, – диир дьылдьыт. Айылҕаҕа орооһууттан буоллаҕа, кыыл-көтөр эмиэ “булкуллубутун” этэр. Холобур, аҥыр саас кус саҕана нэһиилэ иккитэ-үстэ уһуутуур эбит буоллаҕына, бэс ыйын саҥатыгар андыга олордоҕуна 8-ка тиийэ мөҥүрүүр буолбут. Ол аата быйаҥнаах сайыны көрүүлэнэр. Маҥнайгы чыккымайын бөтүөнэ ып-ыраас буоллаҕына, кэлиҥҥилэр бүтүннүү кытаран хаалбыттар. Халлаан отуора “алдьанан” хаалан, ытанньах оҕо курдук, сайыны супту ардаан, от үлэтин атахтыаҕыттан дьиксинэр билгэһиттэр бааллар үһү.

“Былыттара кыра буолан, бу ардахтар барытын таппаттар, оннооҕор биһиги улууспут иһигэр эриэннээн түһэр. Таппыт сирдэригэр от, сир аһа уонна хортуоппуй сүрдээҕин үүнүөхтэрэ. Түүнүн сөрүүн даҕаны буоллар, от-мас тэбэр. Хаһыҥ түһүө суоҕа”, – диир дьылдьыт. Оннук эрэ буоллун!

Аны интэриниэт тугу көрдөрөрүнэн-кэпсииринэн сирдэттэххэ, Дьокуускай куораппытыгар бэс ыйын 23 күнүттэн саҕалаан итийиэ. Туймаада ыһыаҕа буолар күннэригэр 31 кыраадыска тиийиэ. Ол эрээри, иккис күнүгэр кыратык ардаан сөрүүкэтэн ааһыа. Оттон Олоҥхо ыһыаҕа ыытыллар Үөһээ Бүлүү ыалдьыттарын бэс ыйын 19 күнүгэр 28 кыраадыс сылааһынан көрсүөҕэ, онтон күнү көрсүү сиэриттэн-туомуттан саҕалаан халлаан сөрүүдүйэн, былытыран, сарсыныгар күнүс 11 кыраадыска диэри түһэрэ күүтүллэр.

Түүнүн 8 эрэ кыраадыс буолуоҕа. Сарсыардаттан киэһээҥҥэ диэри кыратык самыырдыа. Ыһыах иккис күнүгэр күнүс 18, киэһэлик ыалдьыттары атаарыы саҕана 20 кыраадыс сылыйыа. Онон сылаастык таҥнан-саптан сылдьыҥ.

Огни Нюрбы хаһыат сайтыгар: https://xn--90adptbcs3gya.xn--p1ai/article/61488

От adminNB

Добавить комментарий

Ваш адрес email не будет опубликован. Обязательные поля помечены *