Билигин дьон айылҕа диэки хайыһан, эмтээх үүнээйини хомуйан, бэлэмнээн, тустарыгар туһаналлара элбээтэ. Таатта улууһун олохтооҕо Сардаана Андросова эмтээх отунан дьарыктаммыта уонтан тахса сыл буолбут.

Кини билигин дьоннуун хото үллэстэр. Сүбэ-ама биэрэр. Сардаана Андросова дьиэтэ сайын дыргыл сытынан толору. Бэйэтэ эмтиир эйгэ үлэһитэ эмтээх оту, үүнээйини хомуйбута 10-тан тахса сыл буолбут. Бастаан утаа оту-маһы соччо сэҥээрбэт эбит,

кэргэнэ уустук операция кэнниттэн атаҕар туруорбут от күүһүгэр итэҕэйэн, билигин ойуурга иннэлээх сап курдук бииргэ сылдьаллар. Сири-уоту билэн, ыырдара кэҥээн, кыһыны кыл мүччү аһараат, үөрүүнэн айылҕа маанылаах далбарыгар талаһаллар.

Сардаана Прокопьевна сүбэтинэн, отунан-маһынан Тааттаҕа үгүс киһи туһанар. Маны сэргэ атын улуустартан истиһэн, хомуурун үлэһэр дьон элбээбит. Эмтээх оту сэҥээрээччилэри кытта алтыһан. Кинигэлэринэн сирдэтэн, бэйэтин да үөрүйэҕэр олоҕуран. Сырыы аайы билиитэ хаҥаан иһэр.

Аатын кытта ханыылыы ханна да сардаана эргимтэлээх, сылы эргиччи от чэйдээх, айылҕа бэлэҕэ кэһиилээх Сардаана Андросова бу курдук, от эмтиир кистэлэҥин кимниин да хото үллэстэр.

Жанна Бурмистрова

«Таатта» хаһыат сайтыттан: https://xn--80aaa3eca.xn--p1ai/article/88756

От adminNB

Добавить комментарий

Ваш адрес email не будет опубликован. Обязательные поля помечены *