Улууспутугар дьиэ кэргэн экономикатын өйүүр бырагырааманы улуус уонна нэһилиэк дьаһалталара бииргэ үһүс сылын үлэлэтэллэр. Быйыл бу хайысхаҕа улуус бүддьүөтүттэн 1,5 мөл. солк көрүлүннэ, бу үптэн нэһилиэк бүддьүөтүгэр утары үбүлээһин быһыытынан барар. Бу үбүлээһин түргэнник ситэр салаа кыылларын атыыласпыт дьоҥҥо ороскуоттара 40 % субсидия быһыытынан төннөр.

Маны таһынан 10 биир көрүҥ көтөргө – 1, биир сибиинньэ оҕотугар – 1 куул уотурбалар бэриллэр. Билиҥҥи күҥҥэ номнуо 5 нэһилиэккэ Дьокуускай куорат көтөрү иитэр фабрикатыттан 1885 куурусса, Хатас сибиинньэни иитэр комплекстан 11 сибиинньэ оҕото кэлэннэр, хаһаайыстыбаларга түҥэтилиннилэр.

Ааспыт сылтан хаас уонна индюк саҥа көрүллэн, баар буоллулар. Уопсайа улуус үрдүнэн кууруссаҕа 2825, бройлер-чоппуускаҕа 594, хааска 105, индюкка 159 сайаапкалар киирдилэр.

Былырыыҥҥы сылга көтөргө уопсайа 3336 сайаапкаламмыт эбит буоллаҕына, быйыл 3683 көтөргө сайаапка киирдэ. Быйыл 193 сибиинньэ оҕотугар сайаапка киирдэ, ааспыт сылга 236 кэлбитэ.

Улуустааҕы тыа хаһаайыстыбатын управлениета.

«Үлэ күүһэ» хаһыат сайтыттан, Куорунай улууһа: https://сила-труда.рф/article/97761

От adminNB

Добавить комментарий

Ваш адрес email не будет опубликован. Обязательные поля помечены *