Абый нэһилиэгэр күһүҥҥү дьаарбанка үгэс быһыытынан ыытыллынна. Быйыл сайын оҕуруотчуттар хас сылын буоларын курдук өлгөм үүнүүнү ыллылар.
Хас биирдии түөлбэ көмүс күһүнү көрсө «Күһүн бэлэҕэ» дьаарбанкаҕа кыттар. Бу да сырыыга туора турбакка, 3 түөлбэ күрэххэ кыттыыны ылан үөрдүбүт, сэргэхсийдибит. Бэйэни билиһиннэрии, музыкальнай нүөмэр, айылҕа аһыттан бүлүүдэ, гигант астар диэн күрэххэ кииристибит. Уопсай түмүккэ «Элгэс» түөлбэ (салайааччы Анна Эверстова) бастыаҕын бастаата, түмсүүлээхтэрин көрдөрдө. Иккис миэстэни «Түмсүү» (сал. Валентина Черемкина), үсүһү «Уйгу» (сал. А.Афанасьева) ыллылар. Дьаарбанкаҕа сыл ахсын дьон эриэккэс аһы, үүнээйини үүннэрэрин сөҕө көрөр.
«Хотугу Кыым» хаһыат сайтыгар: http://xn--c1aogfugbl4da.xn--p1ai/abyjdar-sedeh-yyneejini-ahy-olordollor/