Ө Ил Дархана Айсен Николаев тыа хаһаайыстыбатын хайысхатыгар 2023 с. 14 млрд.солк. көрөр былааннааҕын хаһаайыстыбалаах дьон бэркэ диэн сэҥээрдилэр.

Сэмэн Леверьев бааһынай хаһаайыстыба салайааччыта. Кини Горнайга ынах сүөһүнү иитэн, үрүҥ илгэ бородууксуйата элбииригэр сыратын уурар эдэр дьоннортон биирдэстэрэ. Билиҥҥитэ 17 ыанньыгы, 12 борооскуну, 1 оҕуһу кыстатан турар. Хаһаайыстыбатын элбэтэр баҕа санаалаах.

Ил Дархан Айсен Николаев тыа хаһаайыстыбатын сайыннарыытыгар ылыммыт былаанын туһунан маннык этэр:

— Ити сонуну үөрэ иһиттим. Харчыта былааннаахтык тыырылыннаҕына үчүгэй бөҕө буоллаҕа. Хороҕор муостаах ахсаанын элбэтиигэ сүрүн болҕомто ууруллара наада. Ынах ахсаана биллэ аҕыйаата. Сир оҥоруута тэрээһиннээхтик баран, оттуур ходуһалар оҥоһуллуохтаахтар. Бөдөҥ хаһаайыстыбалары эрэ буолбакка, дьоҕус, саҥа дьарыктанан эрэр хаһаайыстыбалаах дьону өйүөххэ.

Бэйэм 17 ыанар ынахтаахпын.

Вячеслав Алексеев

«Үлэ күүһэ» хаһыат сайтыттан: https://xn—-7sbbprs1bdnl.xn--p1ai/article/80196

от adminNB

Добавить комментарий

Ваш адрес email не будет опубликован. Обязательные поля помечены *