Биһиги Хаҥалас улууһун Улахан Аан нэһилиэгэр олорор Анастасия Николаевна уонна Сергей Сергеевич Ивановтарга ыалдьыттаатыбыт.
Кинилэр үлэлэрин таһынан иллэҥ кэмнэригэр клубника үүннэрэллэр. Бастаан 5 угу олордубуттар, онтон быйыл 750 ук клубникалаахтар. Ону таһынан садовай малина, моонньоҕон, хаптаҕас олордоллор эбит.
Анастасия Николаевна араас сорду олордон, амтанын, тулуйумтуотун, түргэнник ситэрин, элбэх астааҕын кэтээн көрөр. 3 улахан сайыҥҥы теплицалаахтар. Клубникаҕа ууну кутар капельнай полив, таймердаах гына оҥостубуттар. Клубника бустаҕын аайы нэһилиэнньэҕэ атыылыыллар. Инникитин үүнээйилэрин өссө элбэтэн, кыһыннары үүннэрэр баҕа санаалаахтар.
Клубникалара олус бөдөҥнөр, минньигэстэр.
М.Е.Васильева аатынан 2 Малдьаҕар орто оскуолатын медиакиинэ. Хаартыскаҕа түһэрдилэр: Ильяна Осипова, Ариана Тимофеева, 7 кылаас үөрэнээччилэрэ.
«Хаҥалас» («Хангалас») хаһыат сайтыгар.