Бу күннэргэ тыа сирин, куорат олохтоохторо оҕуруоттарын астарын олордон, оннуларын булларбыт кэмнэрэ. Ол эрээри бүгүн, бэс ыйын 13 күнүгэр, «Тэтим» араадьыйатыгар, Чурапчыттан норуот-синоптига Тускул оҕуруоччуттары анаан бээтинсэҕэ диэри күнү-дьылы манаһылларыгар сэрэттэ.
“Бүгүн уонна сарсын, ол аата бэс ыйын 13-14 күннэригэр, түүн +3С+5С кыраадыс түһэн, улахан хаһыҥ түһүөҕэ. Онон оҕуруоккутун эрдэттэн бүрүйэн, сороҕотун дьиэҕэ куоттаран, үүнээйилэргитин харыстааҥ. Түүҥҥү өттүгэр түөрт кыраадыс бэлиэтэниитэ, оҕуруот аһыгар лаппа кутталлаах, тыынар тыыннаахха тымныынан хаарыйар. Сарсын уонна өйүүн, түүнүн киин уонна илин эҥэр улуустарга +4С+5С кыраадыс, оттон Бүлүү эҥэр, Саха сирин соҕуруу уонна арҕаа улуустарыгар +3С кыраадыс буолара күүтүллэр”, — диэн Тарас Тарасов-Тускул эттэ.
Онуоха Чурапчы улууһун таас дьиэлэригэр биллэ тымныйда. Онон бу нэдиэлэ бүтэһик күннэригэр диэри хаһан сылыйарын кэтээн эрэ көрөр кыахтанныбыт.
Сэмэн Жендринскэй
«Саҥа олох» хаһыат сайтыттан: https://санаолох.рф/article/99755