Амма нэһилиэгин уулуссаларыгар сылгы үөрэ мэччийэрэ үгэскэ кубулуйан эрэр. Сылгылаах ыаллар маны туох дии саныыллар?

Самаан сайын күөх сирэмигэр үктэмиччэ хороҕор муостаах, сыспай сиэллээх сыһыыга, алааска сылдьыахтаах буоллаҕа. Онтон улууспут киинигэр сылгылар үөрдээн сайылыыллара үгэскэ кубулуйан эрэр. Аҕыйах хонуктааҕыта Сунтаар улууһугар сылгы кыра оҕону тэппитин туһунан киһи харааста истибитэ. Хас да сыллааҕыта бэл Дьокуускай куораппытыгар эмиэ киһини тэпсэ сыспыттарын туһунан кэпсээн турардаахтар. Амма нэһилиэгэр эмиэ сылгылар көҥүл-босхо мэччийэн киһиэхэ кутталы үөскэтиэх курдуктар. Аҕыйах хонуктааҕыта икки атыыр охсуһан, өрө туран, онтон биирэ куотан, иннигэр туох баарын дьүүллээн да көрбөтөҕө. Дьолго хата ким да суох буолан биэрбитэ. Билигин итии-куйаас күннэргэ тэһииргээн сүүрэн, иннилэригэр туох баарын да көрөр кыахтара суох буолуон, массыына сылдьар суолугар эмискэччи ойон тахсан суол быһылаанын да таһаарыахтарын сөп.

Тоҕо бу сылгылаах хаһаайыттар бачча күөх сайыҥҥа үрэхтэргэ үүрэн, нэһилиэк кытыытыгар дуу мэччитэ үүрбэттэр. Дьөһөгөй оҕото киэҥ сыһыыга сылдьыахтаах буолбатах дуо? Бөҕү-саҕы сиэн, кыра күөх баарын салбаан төһө үчүгэй туруктаах, доруобай эттээх-сиинээх буолаллара буолла. Киһи сылгы-сүөһү көрөр буоллаҕына, хаһаайынныы да сыһыаннаһыахтаах дии саныыбын. Көҥүл босхо дэриэбинэ устун ыытан, сылгыны иитэри киһи өйдөөбөт. 

«Амма олоҕо» хаһыат сайтыгар: https://xn--80aaaambpp4b1d.xn--p1ai/article/62331

от adminNB

Добавить комментарий

Ваш адрес email не будет опубликован.