Майаҕа олорор Константин Неустроевы уонна Тааттаттан төрүттээх Надежда Рахлееваны элбэх киһи билэр. Ордук, рационализатор быһыытынан Константин Иннокентьевиһы Саха сиригэр билэллэр
Мас да, тимир да чааһыгар дэгиттэр, чертежник, бэйэтэ үөрэммит сыбааркаһыт, туокар, элбэх киһини тугу сатыырыгар уһуйбут маастар. 2000 сыллартан бэттэх кинини үгүс киһи араас хочуоллары (оһохтору) оҥорооччу быһыытынан эмиэ билэллэр. Дьылҕата атын хайысхаламмыта буоллар, тэхиниичэскэй наукаларга учуонай буолан сылдьыахтааҕа буолуо.
Надежда Иннокентьевна олоҕун аргыһын курдук киэҥник биллибэтэр да, алтыһар эйгэтэ эмиэ бэрт киэҥ. Табаары илиигэ быһаччы тиксэрии атыытын биисинэһинэн ситиһиилээхтик дьарыктанар. Өскөтүн, Константин Неустроев тимири баһылаабыт хаһаайын буоллаҕына, Надежда Рахлееваны кинини билэр, сылдьар дьоно үүнээйини үүннэриини баһылаабыт хаһаайка быһыытынан билэллэр, сыаналыыллар. Сайын аайы олбуордарын иһэ араас сибэккилээх үүнээйилэр тыллыыларын көстүүлэринэн киэркэйэр, симэнэр. Оҕуруот да аһын, хортуоппуйу хото олордоннор кыһыҥҥы хаһаастарын мунньуналлар. Көстөкүүн дьиэҕэ хортуоппуй арассаадатын үүннэриини боруобалаабытын сырдатан турабыт. Бу хаартыскаларга сирдэрин былырыыҥҥы быйаҥын көрөҕүт. Быйыл да мантан хаалсыа суоҕа диэн эрэниэххэ сөп.
Уонча күннээҕитэ Константин Неустроев алта сыллааҕыта олордубут дьаабылыкаларын маһа элбэх диэн сибэккилэммитин ыытан турардааҕа.
«Эркээйи» хаыат «В контакте» ситим паблигыттан видео.
Мастарын уонна оҕуруоттарын «кэрийэн» көрөбүт.
Алта сыллаах хаппырыас, ол эбэтэр, черемуха.
Саха сиригэр үүнэр сирень, ол эбэтэр, үчүгэй сыттаах сибэккилээх ыарҕа бииһин ууһа.
Уһук Илиннээҕи сирень.
Жимолость, ол эбэтэр, араас өҥнөөх сибэккилээх ыарҕа.
Малина ‒ биэ эмийэ.
Антоновка суортаах дьаабылыка маһа.
Моонньоҕон Хара кыталык суорда.
Дьоппуон акацията.
Боярышник ‒ Долохоно.
Биир сарбынньах ‒ рябина. Икки саад хаптаҕаһа. Үс вишня.
Константин Неустроев уонна Надежда Рахлеева дууһаларын баайа сибэкки буолан тыллар. Быйыл эмиэ кинилэргэ өлгөм үүнүүнү, элбэх сибэккини баҕарыаҕыҥ!
«Эркээйи» хаһыат сайтыгар: https://эркээйи.рф/article/100216